हा पराभव जिव्हारी लागलाय!

दक्षिण आफ्रिकेने टॉस जिंकला, प्रथम फलंदाजी केली आणि भलीमोठी धावसंख्या उभी केली. त्यांनी सातत्याने तणाव कायम ठेवला  आणि भारताला स्थिरावूच दिले नाही. प्रत्येक भागीदारी, प्रत्येक सत्रासह त्यांनी सामन्यावरची पकड आणखी मजबूत केली. अत्यंत अटीतटीच्या लढ्यानंतरही टीम इंडियाचा पराभव झाला आणि तो जिव्हारी लागला.

ही कसोटी कशी झाली ते पाहा 👇

दिवस १ | अत्यंत संतुलित सुरूवात

दक्षिण आफ्रिकेने पुन्हा एकदा टॉस जिंकून फलंदाजी करायचा निर्णय घेतला. त्यांच्या सलामी फलंदाजांनी ८२ धावांची भागीदारी केली आणि त्यानंतर बुमराहने मॅक्रमला चहाच्या ब्रेकपूर्वी बाद केले. कुलदीपने त्यापाठोपाठ रिकल्टनला बाद केले.

बावुमा आणि स्टब्स यांनी नंतर इनिंग स्थिरावली आणि आपल्या आवडत्या परिस्थितीचा पुरेपूर फायदा घेऊन यजमान संघावर नियंत्रण ठेवले. जड्डू आणि कुलदीप या स्पिनर जोडीने पटापट विकेट्स घेऊन गोष्टी आपल्या ताब्यात घेतल्या आणि भारताला संतुलन मिळवून दिले.

📝 स्टंप्स दिवस १: दक्षिण आफ्रिका - २४७/६ (८१.५ ओव्हर्स)

दिवस २| फलंदाजांनी अनुकूल परिस्थितीचा लाभ उठवला

मुथुस्वामी आणि वेरेयने या दोघांनी खेळायला सुरूवात करून ८७ धावा केल्या. वेरेयने बाद झाल्यानंतर मुथुस्वामीने जेन्सनसोबत जोडी करून ९७ धावांची भागीदारी केली. त्यामुळे पाहुण्या संघाची धावसंख्या ४८९ झाल्यामुळे भारतासमोर स्टंप्सच्या ३० मिनिटे आधी मोठा दबाव आला.

परंतु जैस्वाल आणि केएल हे दोघेही कठीण परिस्थिती खंबीर उभे राहिले आणि त्यांनी प्रत्येक चेंडूचा धीराने सामना केला. भारतीय संघ त्यामुळेच दुसऱ्या दिवशी काहीही विकेट्स न गमावता टिकून राहिला.

📝 स्टंप्स, दिवस २: भारत - ९/० (६.१ ओव्हर्स), ४८० धावांची पिछाडी

दिवस ३ | अरेरे, पडझड झाली!!

भारतीय संघाने तिसऱ्या दिवसाची सुरूवात चांगली केली. यशस्वी जैस्वाने आपल्या खास जैसू स्टाइलमध्ये दक्षिण आफ्रिकेविरूद्ध पहिले अर्धशतक फटकावले. परंतु, आपण पहिली भागीदारी ६५ केली होती आणि त्यानंतर आपला डाव १२२/७ पर्यंत घसरला.

वशी आणि कुलदीप यांनी २०८ चेंडूंमध्ये मोठा लढा देऊन ७२ धावांची भागीदारी केली. परंतु जेन्सनच्या ६ विकेट्समुळे भारतीय संघ २०१ मध्ये बाद झाला. त्यानंतर दक्षिण आफ्रिकेच्या सलामी फलंदाजांनी शेवटच्या आठ ओव्हर्समध्ये चांगला खेळ करून एकही विकेट जाऊ दिली नाही.

Batted, Kuldeep! 🧱💪 pic.twitter.com/Kw6lWZuAkK

— Mumbai Indians (@mipaltan) November 24, 2025

📝 स्टंप्स, दिवस ३: दक्षिण आफ्रिका - २६/० (८ ओव्हर्स), ३१४ धावांची आघाडी

दिवस ४| प्रोटीआजकडून सामन्यावर पकड

भारताने सुरूवात केली तेव्हा पराभव समोर दिसत होता. प्रोटीआजची ५० धावांची भागीदारी जडेजा आणि वशी यांनी मोडून काढली. त्यांनी चहाच्या सुट्टीपर्यंत त्यांचा संघ १०७/३ पर्यंत आणून ठेवला. परंतु दे झोर्झी आणि स्टब्स यांच्यादरम्यान झालेल्या १०० धावांच्या भागीदारीमुळे सामना आपल्या हातातून गेला. दक्षिण आफ्रिकेने २६०/५ वर तो घोषित करून आपल्यासमोर ५४९ धावांचे लक्ष्य ठेवले.

या कठीण लक्ष्याचा पाठलाग करताना भारताने आपले दोन्ही सलामी फलंदाज गमावले. त्यानंतर कुलदीप आणि सुदर्शन क्रीझवर असताना प्रकाश कमी झाल्यामुळे सामना बंद करावा लागला.

📝 स्टंप्स, दिवस ४: भारत - २७/२ (१५.५ ओव्हर्स) विजयासाठी ५२२ धावांची गरज.

दिवस ५| गुवाहाटीत दुर्दैवी पराभव...

आता काहीच शब्द नाहीत. हातात ८ विकेट्स होत्या. विजयासाठी ५२२ धावांची गरज होती आणि अत्यंत संथ आणि उसळणाऱ्या खेळपट्टीवर तग धरून राहण्यासाठी हातात एक दिवस होता. परिस्थिती पूर्णपणे हाताबाहेर गेली होती. फलंदाजांनी सामना ताब्यात ठेवण्यासाठी आटोकाट प्रयत्न केले. रवींद्र जडेजाने अप्रतिम अर्धशतकही पूर्ण केले.

परंतु प्रोटीआजच्या स्पिनर्सनी सामना संपवला. हार्मरने ६/३७ विकेट्स घेतल्या आणि दक्षिण आफ्रिकेला विजय मिळवून दिला.

भारतीय संघ आणि चाहत्यांसाठी हा पराभव जिव्हारी लागणारा आहे. पण ते नक्कीच सावरतील 👊

थोडक्यात धावसंख्या: भारत २०१/१० (यशस्वी जैस्वाल ५८, मार्को जेन्सन ६/४८) आणि १४० /१० (रवींद्र जडेजा ५४, सायमन हार्मर ६/३७) दक्षिण आफ्रिकेकडून ४०८ धावांनी पराभूत ४८९/१० (सेनुरन मुथूस्वामी १०९, कुलदीप यादव ४/११५) आणि २६०/५ दिवस (ट्रिस्टन स्टब्स ९४, रवींद्र जडेजा ४/६२).