पलटन, वर्षाचा तो कालावधी आता परतलाय! 🥵🔥

चौकार, षट्कार, नखं कुरडवायला लावणारे रोमांचक सामने आणि जल्लोषाचा महोत्सव आता आलाय! आयसीसी मेन्स टी२० वर्ल्ड कप परतलाय! आणि या वेळी वर्ल्ड कप घरच्या खेळपट्टीवर होणार आहे. 🇮🇳💙

हो, तुम्ही बरोबर ऐकलंय. भारतात २०२६ आयसीसी मेन्स टी२० वर्ल्ड कपचे आयोजन होणार आहे आणि आपला संघ सर्वोत्तम कामगिरीसाठी, वर्चस्व गाजवण्यासाठी आणि स्टेडियमधला जल्लोष टिपेला पोहोचवण्यासाठी सज्ज आहे. 🤯🎉

आपला मेन इन ब्लू संघ अत्यंत उत्तम फॉर्ममध्ये आहे. आक्रमक फलंदाजी, निर्भय खेळ, तरूणांची ऊर्जा आणि अप्रतिम कामगिरी करणारे गोलंदाज. हा आहे नवीन भारत. वेगवान, बोल्ड आणि निर्भय.

आपली तरूण टीम सर्वांत मोठ्या स्टेजसाठी सज्ज आहे. पण प्रश्न असा आहे की हे सर्वांत मोठं स्टेज त्यांच्यासाठी तयार आहे का?

२०२४ वर्ल्ड कप विजेता कर्णधार रोहित शर्मादेखील परतलाय. तो टी२० क्रिकेट वर्ल्ड कप २०२६ चा ब्रँड एम्बेसेडर असेल. रोहित या वर्ल्ड कपचा चेहरा असल्यामुळे उत्साहाला आधीच उधाण आले आहे. 🤩

आपलं घर म्हणजे वानखेडे स्टेडियमवर भारताचा पहिला सामना होईल. अगदी बरोबर 👉 भारत विरूद्ध यूएसए. ७ फेब्रुवारी. मुंबई. आपल्या शहरात टी२० वर्ल्ड कपचा दुसरा सेमीफायनल सामनाही होणार आहे. भारत पाकिस्तानदरम्यान ऐतिहासिक लढा १५ फेब्रुवारी रोजी होईल.

या स्पर्धेचं काऊंटडाऊन सुरू होत असताना आता वेळापत्रक जाहीर झालं आहे.

तर आता वेळ घालवू नका. पेन उचला. कॅलेंडरवर खुणा करा आणि तुमच्या पार्टीचे नियोजन सुरू करा. 🗓️🔥

आयसीसी मेन्स टी२० वर्ल्ड कप २०२६ साठी टीम इंडियाचे वेळापत्रक

ग्रुप ए: भारत, पाकिस्तान, यूएसए, नेदरलँड्स, नामिबिया