आयपीएल 2026 मध्ये गुरूवारी झालेल्या सामन्यात मुंबई इंडियन्सने पंजाब किंग्जचा 6 विकेटने पराभव करून त्यांच्या विजयी घोडदौडीला लगाम घातला.

हिमाचल प्रदेश क्रिकेट असोसिएशन स्टेडियम धर्मशाळा येथे एमआयने टॉस जिंकून प्रथम गोलंदाजी करण्याचा निर्णय घेतला. पीबीकेएसने प्रभसिमरन सिंहच्या खेळाच्या बळावर 20 ओव्हरमध्ये 200 धावा केल्या.

यानंतर एमआयने तिलक वर्माच्या दमदार खेळाच्या बळावर 19.5 ओव्हर्समध्ये 205 धावा करून लक्ष्य पूर्ण केले आणि शानदार विजय नोंदवला.

मुंबईसाठी शार्दुल ठाकूरने धमाकेदार गोलंदाजी केली आणि चार विकेट घेतल्या. याशिवाय कॉर्बीन बॉश आणि राज बावा यांना प्रत्येकी एक विकेट घेतली.

पंजाबचा सलामी फलंदाज प्रियांश आर्य आणि प्रभसिमरन यांचा खेळ स्थिर सुरू झाला आणि टीमची नौका मजबूत केली. मुंबईला पहिला विजय दीपक चहरने प्रियांशच्या रूपाने दिली. प्रियांशने 17 चेंडूमध्ये 22 धावा केल्या आणि 50 धावांची भागीदारी केली.

यानंतर प्रभसिमरनने चांगली फलंदाजी करत 29 चेंडूमध्ये आपले अर्धशतक पूर्ण केले आणि टीमसाठी चांगल्या धावा केल्या.

शार्दुल ठाकूरने 12 व्या ओव्हरमध्ये पीबीकेएसला आणखी एक झटका दिला. त्याने प्रभसिमरनला बाद केले. त्याने 6 चौकार आणि 4 सिक्स मारून 32 चेंडूमध्ये 57 धावा केल्या.

यानंतर पंजाबकडून श्रेयस अय्यर 4, कूपर कॉनली 21, सूर्यांश शेडगे 8 आणि शशांक सिंह 2 यांच्या विकेट्स गेल्या.

आजमतुल्लाह उमरजाईने चांगला खेळ करत 2 चौकार आणि 4 सिक्सच्या मदतीने 17 चेंडूमध्ये 38 धावा केल्या.

झेवियर बार्टलेट आणि विष्णू विनोद नाबाद राहिले. त्यांनी प्रत्येकी 15 आणि 18 धावा केल्या. पंजाब किंग्जने एमआयला 201 धावांचे लक्ष्य दिले.

रोहित शर्मा आणि रायन रिकलेट्न यांनी चांगली सुरुवात केली. त्यांनी धावांची लय कायम ठेवली. रायनने पहिल्या विकेटसाठी 61 धावांची भागीदारी करताना 23 चेंडूमध्ये 48 धावा केल्या. त्याने 4 चौकार आणि 4 सिक्स मारले.

नवव्या ओव्हरमध्ये मुंबई इंडियन्सने नमन धीरची विकेट गमावली. त्याने 9 धावा केल्या. रोहित शर्माने 25 धावा केल्या. त्यानंतर तिलक वर्माने एमआयचा खेळ सावरला. त्याने 25 चेंडूंत दणदणीत अर्धशतक करून टीमला यशाजवळ नेले.

शेरफेन आणि तिलकमध्ये चौथ्या विकेटसाठी 61 धावांची भागीदारी झाली. शेरफेनने 21 चेंडूमध्ये 20 धावा केल्या तर विल जॅक्सने लहान पण महत्वाची भूमिका बजावत 2 चौकार आणि 2 सिक्सच्या मदतीने 10 चेंडूमध्ये 25 धावा केल्या.

तिलकने नाबाद राहून लक्ष्य पूर्ण केले आणि टीमला 6 विकेटने विजय मिळवून दिला. तिलकने 6 सिक्स आणि 6 चौकार मारून 33 चेंडूमध्ये 75 धावा कुटल्या.

एमआयचा पुढचा सामना 20 मे रोजी कोलकाता नाईट रायडर्सविरुद्ध असेल.

धावसंख्या

पीबीकेएस: 20 ओव्हरमध्ये 200/8 प्रभसिमरन सिंह 57, शार्दुल ठाकूर 4/39

एमआय: 19.5 ओव्हरमध्ये 205/4, तिलक वर्मा 75, आजमतुल्लाह उमरजाई 2/37