दोन ख्यातनाम टीम्स, पाच वेळा आयपीएल विजेते, मोठ्या सामन्यांचे स्पेशालिस्ट आणि इतिहास रचणारे खेळाडू. मुंबई इंडियन्स २३ एप्रिल २०२६ रोजी आमच्या मुंबईच्या बालेकिल्ल्यात चेन्नई सुपर किंग्सचा सामना करणार आहे. इतिहास पुन्हा एकदा रचला जाणार आहे. अधिक चांगला, अधिक अविस्मरणीय आणि चाहत्यांच्या मनावर कोरला जाईल. पलटनबाबत बोलायचे झाले तर हा नेहमीचा सामना नाही तर हे त्यांच्या भावनेला केले गेलेले आव्हान आहे. हे दोन्ही तुल्यबळ संघ विजयासाठी एकमेकांना आव्हान देणार आहेत. त्या दोन्ही संघांमध्ये प्रचंड आठवणी आणि शिल्लक राहिलेले काम आहे. आता काहीतरी खास होणार हे नक्की.

सामना सुरू होण्यापूर्वी पूर्वी झालेल्या सामन्यांची आठवण करूया. फिनालेमधील विजय, मोठी कामगिरी, खास खेळ आणि शेवटच्या चेंडूवरील ट्विस्ट या आठवणी आपल्या चेहऱ्यावर आजही आनंद आणतात.

तेंडुलकरने रचला पाया, स्मिथने रचला कळस (२०१२)

६ मे २०१२ चा दिवस पलटनच्या आठवणीत अजूनही आहे. या दिवशी सचिन तेंडुलकरने अप्रतिम ७४(४४) धावा केल्या तर रोहित शर्माने ६०(४६) धावांचे योगदान दिले. एमआयने सीएसकेविरूद्ध शेवटच्या चेंडूवर १७४/८ धावांनी विजय मिळवला. पीओटीएम ड्वायने स्मिथने नाबाद २४(९) धावा करताना दोन चौकार आणि दोन षट्कार ठोकले. त्यामुळे सामन्याचे रूप पालटले.

*****

ईडन गार्डन्सवर दोनदा चॅम्पियन्स (२०१३ आणि २०१५)

फायनल सामन्यात १४८ धावांचा बचाव करून पहिली आयपीएल ट्रॉफी जिंकणे ही एक खास गोष्ट आहे. कायरन पोलार्डने ३२ चेंडूंमध्ये सामना जिंकून देणाऱ्या नाबाद ६० धावा केल्या. त्याने सात चौकार आणि तीन षट्कार मारून ईडन गार्डन्सवर विजय मिळवला. एमआयने हा सामना २३ धावांनी जिंकला.

एमआयने कोलकात्यात पुन्हा एकदा चेन्नईविरूद्ध ४१ धावांनी विजय मिळवून दुसरी आयपीएल ट्रॉफी मिळवली. रोहित शर्मा या दिवशी स्टार खेळाडू ठरला. त्याने अप्रतिम अर्धशतक फटकावले तर पोलार्डने फक्त १८ चेंडूंमध्ये ३६ धावा केल्या. मिशेल मॅकक्लेनगनने आपल्या चार ओव्हर्समध्ये ३/२५ कामगिरी करून त्यांची फलंदाजी मोडीत काढली. तणावापासून विजयापर्यंत एमआयने सर्वोत्तम कामगिरी केली.

*****

हार्दिक पांड्याची आगमनाची घोषणा (२०१५)

कठीण परिस्थितीत एमआयने कठीण कामगिरी पार पाडत मेन इन यलोवर ६ विकेट्सनी विजय मिळवला. आपण १९.२ ओव्हर्समध्ये १५९ धावांचा पाठलाग पूर्ण केला. आपल्या २२ वर्षीय हार्दिक पांड्याने आठ चेंडूंमध्ये नाबाद २१ धावा केल्या. त्यात तीन षट्कारही मारले. अंबादी रायादूने १९ चेंडूंमध्ये नाबाद ३४ धावा केल्या.

*****

लसिथ मलिंगाचा तो खास यॉर्कर (२०१९)

आयपीएलच्या इतिहासातील आपल्या सर्वांत ख्यातनाम सामन्यांपैकी एक. आपल्याला वाटत होते की हैदराबादमधला हा सामना हातातून निसटून जाईल. पण लसिथ मलिंगाने एक अद्वितीय ओव्हर टाकली आणि एमआयला हा विजय मिळवून दिला. पेंडुलम एकीकडून दुसरीकडे हलत होता. पण स्लिंगा मलिंगाने गरज होती तेव्हा आपली जादू दाखवली. त्यानंतर शेवटच्या चेंडूवर दोन धावा हव्या होत्या. तेव्हाच आला एक सणसणीत यॉर्कर. त्यामुळे आपण चौथा चषक जिंकला. सुरूवातीला पोलार्डने नाबाद ४१ (२५) धावा केल्या तर जसप्रीत बुमराहला २/१४ साठी पीओटीएम देऊन गौरवण्यात आले.

*****

पोलार्डच्या दणदणीत ८७ धावांनी पाठलाग पूर्ण केला (२०२१)

२०२१ मध्ये महाराष्ट्र दिनी एमआयने शेवटच्या चेंडूवर रोमांचक सामना खिशात टाकला. आपण तेव्हा विक्रमी २१९ धावांचा पाठलाग पूर्ण केला. पॉली तणावाखाली होता. पण त्याने ३४ चेंडूंमध्ये सहा चौकार आणि आठ षट्कारांच्या मदतीने नाबाद ८७ धावा केल्या. त्याने गोलंदाजांना चांगलेच धुवून काढले.

*****

आकडेवारी

खेळलेले सामने (एकूण)	३९
एमआयने जिंकले	२१
सीएसकेने जिंकले	१८

 

खेळलेले सामने (वानखेडेवर)	१३
एमआयने जिंकले	८
सीएसकेने जिंकले	५

 

एमआय	आकडेवारी	सीएसके
रोहित शर्मा (८८१ धावा)	सर्वाधिक धावा	सुरेश रैना (७१० धावा)
लसिथ मलिंगा (३१ विकेट्स)	सर्वाधिक विकेट्स	ड्वायने ब्राव्हो (३० विकेट्स)

 

चला तर मग, #MIvCSK 2026 सुरू होणार आहे.