प्रत्येक वादळ इशारा देऊन येत नाही. काही वादळं शेरफाने रदरफोर्डच्या रूपाने मैदानावर अतिशय शांतपणे येतात आणि धक्का देऊन जातात. फलंदाजी करताना त्याचा संयम, अजिबात दंगामस्ती नाही. फक्त उत्तम दर्जाची फलंदाजी. मधल्या फळीत धावांचा दर वाढतो तेव्हा त्याला आणलं की पापणी लवायच्या आत चेंडू सीमापार टोलवले जातात. या सुंदर फलंदाजाने सामन्यातील अनेक क्षण आपल्या बुद्धिमत्तेने पालटून टाकले आहेत. तो तणावपूर्ण परिस्थितीत उत्तम कामगिरी करतो. मग तो वेस्ट इंडिजचा संघ असो किंवा आता मेन इन ब्लूचा संघ असो. 💙

त्याने २०२६ च्या सुरूवातीपासून विंडीजसाठी उत्तम कामगिरी केली आहे आणि जलदगती गोलंदाजांना जराही सुट्टी दिलेली नाही. टी २० क्रिकेटमधील मधल्या आणि डेथ ओव्हर्समध्ये सर्वाधिक स्फोटक फलंदाजांपैकी एक असलेल्या रदरफोर्डने यंदा वेस्ट इंडिजसाठी नऊ टी२० सामने खेळून १८६.३६ च्या सरासीने २४६ धावा केल्या आहेत. त्याने टी२० विश्वचषकादरम्यान इंग्लंडविरूद्ध नाबाद ७६ (४२) धावा केल्या आहेत. 👏

आता आयपीएल सीझनमध्ये मुंबई इंडियन्सला कठीण परिस्थितीतून बाहेर काढणारा खास खेळाडू हवा होता. रदरफोर्ड आला आणि तो प्रश्न मिटला. तो अवघ्या काही चेंडूंमध्ये सामन्याची कथा बदलू शकतो. गुवाहाटीत एमआयचा सामना पावसामुळे बिघडला. त्या सामन्यात आम्हाला राजस्थान रॉयल्सच्या १५०/३ धावांचा पाठलाग ११ ओव्हर्समध्ये करायचा होता.

एमआयची पहिली वेग मिळवण्यासाठी झगडत असताना शेरफाने इम्पॅक्ट खेळाडू म्हणून मैदानात आला. त्याने मधल्या फळीत खेळाडूंच्या मनात आशा निर्माण केली आणि पलटनला त्याच्या जादूवर विश्वास ठेवायला लावला. त्याने फक्त आठ चेंडूंमध्ये २५ धावा अक्षरशः कुटल्या. त्याने ३१२.५ च्या सरासरीने ही धावसंख्या करताना दोन चौकार आणि दोन षट्कार ठोकले. 👊

त्याने एक्स्ट्रा कव्हरवर जोरदार षट्कार, स्वीप्स, लेट कट्स मारले आणि एमआयच्या इनिंगमध्ये जान आणली. त्याने नमन धीरच्या सोबतीने ४७ धावांची भागीदारी केली. अचानक सामना पालटेल असे वाटू लागले. पलटनने प्रार्थना सुरू केल्या. हा सामना ताब्यात येईल असे वाटत होते. शेरफाने अत्यंत तणावपूर्ण परिस्थितीतही शांत, अनिश्चल दिसत होता. त्याने योग्य चेंडू निवडले आणि त्यांना सीमापार अगदी सहजपणे टोलवले. 🥶

अप्रतिम आठ चेंडूंवर फटकेबाजी आणि मधल्या फळीत धोकादायक ही त्याची नवीन ओळख. आता रॉयल चॅलेंजर्स बंगळुरू आणि पंजाब किंग्स यांच्याविरूद्ध आपले पुढील दोन सामने खेळताना त्यात हा काय विक्रम करेल याची प्रतीक्षा आम्हा सर्वांनाच आहे! 🤌