Mumbai Indians

स्काय इज दि लिमिट असे म्हटले जाते. परंतु स्कायला मर्यादा घालणारे काहीही नाहीये. त्याला आयसीसी टी२०आय क्रिकेटर ऑफ दि इयर २०२२ म्हणून गौरवण्यात आले आहे.

मागील काही वर्षांमध्ये त्याने खरोखर सफेद चेंडूच्या फलंदाजीचे एक नवीन रूप सर्वांना दाखवले आहे. त्याने खेळलेले शॉट्स क्रिकेटच्या इतिहासात यादगार बनून राहतील. चेंबूरमध्ये राहणारा हा तरूण मुलगा स्थानिक क्लब्ससाठी (पारसी जिमखाना, दादर युनियन) खेळत असताना त्याने आपल्या कौशल्यांना पैलू पाडले आणि त्यानंतर तो थेट आयपीएलच्या मैदानात उतरला.

तो २०११ मध्ये एमआयसाठी खेळला. त्याने त्याच वर्षात आपल्यासाठी चॅम्पियन्स लीग टी२० जिंकण्यातही महत्त्वाची भूमिका बजावली. त्यानंतर २०१४ मध्ये कोलकाता नाइट रायडर्ससाठी खेळू लागला. तिथे त्याने फिनिशर म्हणून आपले स्थान प्रस्थापित केले.

२०१८ मध्ये आपण आपल्या लाडक्या खेळाडूला परत आणले. तेव्हापासून आपला दादा सूर्याचा जयघोष थांबलाच नाही. फलंदाजीच्या क्रमात पहिल्या क्रमांकावर तो आला. त्याने तेव्हापासून प्रत्येक आयपीएल सीझनमध्ये ३०० पेक्षा जास्त धावा कुटल्या आहेत. त्यामुळे तो असा तसा खेळाडू नाहीये. त्याने मी आहे ना... असं सांगत आरसीबीविरूद्ध धावांच्या पाठलागात नाबाद ७३ (४३) फटकावून सर्वांच्या डोळ्यांचे पारणे फेडले होते.

दोन वेळा टी२०आय प्लेयर ऑफ द इयर (२०२२, २०२३), आपला दादा सूर्या, आता फक्त एक MI स्टार म्हणून नव्हे तर फ्रँचायझीच्या फलंदाजांपैकी एक म्हणून एक नवीन अध्याय लिहिण्यासाठी सज्ज झाला आहे. आयपीएल 2024