Mumbai Indians

आपला पॉकेट डायनॅमो! २०१९ मध्ये ईडन गार्डनमध्ये त्याने फटकावलेले सलग चार षटकार असोत किंवा २०२० मध्ये दुबईत केलेल्या ९९ धावा किंवा त्याच्या नृत्याचे रील्स किंवा तो महान सचिन तेंडुलकरसमोर एकदम स्तब्ध झालेला क्षण असो. मैदानावर आणि मैदानाबाहेरही ईशान किशन मनोरंजनाचे पूर्ण पॅकेज आहे.

२०१६ मध्ये भारताचा १९ वर्षांखालील संघाचा कर्णधार असलेल्या ईशानला आधी गुजरात लायन्सने साइन केले. २०१७ च्या सीझनमध्ये त्याने १३४.४६ च्या स्ट्राइक रेटने २७७ धावा केल्या आणि सर्वांना थक्क केले. आपण त्याला तो १९ वर्षांचा असताना २०१८ मध्ये आपल्याकडे आणले आणि २०२० च्या सीझनमध्ये त्याच्या ५७.३३ च्या सरासरीने ५१६ धावा आपल्या विजयासाठी खूप महत्त्वाच्या ठरल्या. २०२२ मध्ये तो मेगा लिलावात सर्वांत महागडी खरेदी ठरला. आणि त्याला खरेदी कोणी केले, अर्थातच आपण!

आपल्या स्फोटक शैलीला साजेसा खेळ करत त्याने टी२०आय क्रिकेटमधल्या पहिल्याच चेंडूवर चौकार कर ओडीआय क्रिकेटच्या पहिल्याच चेंडूवर षटकार फटकावला.