“एक टीम म्हणून कठीण परिस्थितीत एकत्र राहून पुढील मार्ग शोधणे उत्तम ठरते”: विल जॅक्स
पलटन, 'मेन इन ब्लू अँड गोल्ड' टीम आता १४ मे २०२६ रोजी धर्मशाळा येथे पंजाब किंग्सविरुद्ध एका हाय-व्होल्टेज सामन्यासाठी डोंगराळ भागात दाखल होत आहे. मैदान सज्ज झाले आहे आणि पुन्हा एकदा सर्वोत्तम कामगिरी करण्याची वेळ आली आहे, कारण हे मैदान दिव्यांच्या प्रकाशात एका ब्लॉकबस्टर सामन्याची वाट पाहत आहे. या सामन्यापूर्वी विल जॅक्सने 'एमआय चर्चा'ला मध्ये एक मजेदार, मनमोकळा आणि उत्साहवर्धक संवाद साधला. 🗣️💙
सर्वप्रथम त्याने आपल्या निर्भीड फलंदाजीबद्दल आणि वेगवान टी-२० फॉरमॅटमध्ये झटपट निर्णय घेण्याच्या पद्धतीबद्दल सांगितले, “मला या संघाचा भाग व्हायला खूप आवडते. या टीममधले वातावरण उत्तम आहे. गेल्या वर्षीच्या माझ्या खूप चांगल्या आठवणी आहेत आणि या वर्षीही नवीन चेहऱ्यांना भेटून आनंद झाला. हल्ली फलंदाजी करताना तेव्हा खेळ तुमच्यासाठी खूप सोपा होऊन जातो, कारण आयपीएल कोणत्या दिशेने जात आहे यात तुमची काहीच भूमिका नसते. गोलंदाजीपेक्षा फलंदाजी अधिक आक्रमक असते. तुम्हाला फक्त खेळाच्या प्रवाहाबरोबर जावे लागते.”
त्याने त्याने सलामीला फलंदाजी करण्याबद्दल, तिसऱ्या क्रमांकावर खेळण्याबद्दल आणि आता सध्या सहाव्या क्रमांकावर फलंदाजी करण्याबद्दल, तसेच ॲशेस मालिकेतील एक आघाडीचा फिरकी गोलंदाज असण्याबद्दल सांगितले. विविध भूमिकांशी जुळवून घेतल्यामुळे आता खेळाकडे वेगळ्या दृष्टीने पाहताना जॅक्स म्हणाला, “यामुळे मला एक वेगळा दृष्टिकोन मिळतो, मैदानावरची एक प्रभावी खेळी आम्हाला सामने जिंकवून देऊ शकते. मी आता खेळाकडे सकारात्मक दृष्टीने पाहतो. मी फक्त धावफलकावर काय आहे त्यावर लक्ष केंद्रित करतो. त्यामुळे मला जुळवून घेणे आणि त्यानुसार खेळणे शक्य होते.”
फलंदाजी करताना त्याचा इरादा आणि स्पष्टता, विशिष्ट परिस्थितीत काय आवश्यक आहे हे जाणून घेण्याबद्दल विचारले असता तो म्हणाला, “मागील १२ महिन्यांत यात खूप वेगाने बदल झाला आहे. मैदानावर खेळतानाच मला खूप लवकर खरोखर काय आवश्यक आहे, परिस्थिती काय आहे शिकावे लागले. यामुळे एक क्रिकेटपटू म्हणून माझी प्रगती होण्यास मदत होते.”
यंदा धावसंख्या खूप जास्त असल्याने मला ते खूप अवघड वाटले आहे. गोलंदाज चांगली गोलंदाजी करत असतात. तेव्हाही तुम्हाला त्याचा आदर करावाच लागतो. आयपीएलमध्ये संतुलन साधावे लागते. ही एक रणनीतीची बाब आहे. कोणतेही सामने एकसारखे नसतात. टीमला तुमच्याकडून जी अपेक्षा असते, ते तुम्ही करायचे असते. परिस्थिती पाहून त्यानुसार जुळवून घेण्याचा प्रयत्न करणे गरजेचे आहे.
आता विश्वचषक बघा. तिथे दडपणाचे प्रसंग आले आहेत. प्रत्येक सामन्यावर खूप काही अवलंबून असते. लोक वेगवेगळ्या पद्धतीने खेळतात. आधी १६०-१८० धावा होत्या आणि आता २२०-२३० धावा सर्रास होतात. अशा स्पर्धेत जी खूप मोठी असते... प्रत्येक मैदानाची वैशिष्ट्ये वेगळी असतात. स्थानिक खेळाडू इथे खूप खेळले आहेत, त्यांच्याकडून तुम्ही ज्ञान मिळवता. प्रत्येक मैदानाची स्वतःची वेगळी वैशिष्ट्ये असतात आणि त्यामुळे तुम्हाला थोडे लवकर तयार होण्यास मदत होऊ शकते. बऱ्याच गोष्टी दृष्टीकोनावरही अवलंबून असतात.”
अंतिमतः, जॅक्सीने आयपीएल दरम्यानच्या एमआयमधील वातावरणाबद्दल आणि एक खेळाडू म्हणून त्याला त्याचा कसा फायदा झाला याबद्दल सांगितले, “आमच्या एमआय कॅम्पमध्ये खूप अनुभव आहे. आंतरराष्ट्रीय टीमचा खेळाडू असलेला कर्णधार, भारत आणि परदेशातील आंतरराष्ट्रीय विश्वचषक विजेते खेळाडू आहेत. जगभरातील वेगवेगळ्या परिस्थितीत क्रिकेटचा अनुभव घेणे खूप छान आहे. कधीकधी एक संघ म्हणून तुमचा हंगाम कठीण जात असतो, तेव्हा तुम्ही फक्त एकत्र राहता आणि पुढे जाण्याचा मार्ग शोधता. ज्या खेळाडूंना मी गेल्या वर्षी कधी भेटलो नव्हतो, ते आता गप्पा मारण्यास आणि त्यांची मते व्यक्त करण्यास उत्सुक आणि आनंदी आहेत. असे आनंदी आणि निवांत वातावरण असणे खूप छान वाटते.” 💪
“मुंबई इंडियन्सचा इतिहास आणि या फ्रँचायझीचे यश पाहता, कधीकधी संघातील खेळाडू भूतकाळातील अपेक्षा पूर्ण करण्याचा प्रयत्न करत असतात. तुम्हाला तो समतोल साधावा लागतो, ज्यात भूतकाळातील इतिहासाचा अभिमान बाळगणे आणि या फ्रँचायझीने मिळवलेली परंपरा पुढे चालू ठेवणे, या दोन्ही गोष्टींचा समावेश असतो. प्रत्येक वर्षी तुम्हाला नव्याने सुरुवात करून पुढे जायला हवे.” 💙
