Mumbai Indians

मुंबई, २८ सप्टेंबर २०२६: मुंबई इंडियन्सने आज TATA महिला प्रीमियर लीग २०२७ हंगामापूर्वी रिटेन केलेल्या खेळाडूंची घोषणा केली. WPL मधील आपल्या प्रवासाच्या पुढील अध्यायासाठी संघबांधणी करताना फ्रँचायझीने आपल्या प्रमुख खेळाडूंचा गाभा कायम ठेवला आहे.

रिटेन केलेल्या खेळाडूंमध्ये अनुभवी खेळाडूंसोबतच उदयोन्मुख प्रतिभांचाही उत्तम समावेश आहे. २०२७ हंगामापूर्वी संघ अधिक मजबूत करण्यासाठी आवश्यक जागा उपलब्ध ठेवतानाच संघातील सातत्य कायम राखण्याचा निर्णय फ्रँचायझीने घेतला आहे.

रिटेन केलेले खेळाडू:
हरमनप्रीत कौर, अमनजोत कौर, हेली मॅथ्यूज, अमेलिया केर, नॅटली सायव्हर-ब्रंट, निकोला कॅरी, राहिला फिरदौस, एस. सजना, संस्कृती गुप्ता, शबनिम इस्माईल आणि वैष्णवी शर्मा.

दुसरीकडे, प्रत्येक प्रवासाचे काही अध्याय असतात आणि काही अध्याय संपले, तरी त्यांच्या आठवणी कायम सोबत राहतात. निरोप घेणं नेहमीच कठीण असतं, पण प्रवास पुढे सुरूच राहतो. या सर्व सुंदर आठवणींसाठी #Batchof2026 चे मनापासून आभार.

रिलीज केलेले खेळाडू:
पूनम खेमनार, सायका इशाक, त्रिवेणी वसिष्ठ, नल्ला रेड्डी, मिली इलिंगवर्थ आणि जी. कामलिनी.

पलटन, सज्ज व्हा! WPL लिलावाची उलटी गिनती सुरू झाली आहे. लिलाव २८ ऑक्टोबर २०२६ रोजी कोची येथे पार पडणार आहे, तर WPL चा आगामी हंगाम १४ जानेवारी ते ७ फेब्रुवारी २०२७ दरम्यान खेळवला जाणार आहे.