फक्त वीस दिवस बाकी आहेत आणि आयपीएल क्रेट आपल्या नंदनवनात, आपल्या बालेकिल्ल्यावर- वानखेडे स्टेडियमवर १ एप्रिल २०२४ रोजी खेळवली जाणार आहे. आपले प्रतिस्पर्धी? राजस्थान रॉयल्स. पण थांबा. काहीतरी ओळखीचे वाटते आहे, नाही का?

२०१० – एमआय विरूद्ध आरआर, आयपीएल मोहिमेतला पहिला घरच्या खेळपट्टीवरचा सामना

२०२४ – एमआय विरूद्ध आरआर, आयपीएल मोहिमेतला पहिला घरच्या खेळपट्टीवरचा सामना

आता १४ वर्षे झाली आहेत. पण आपल्याला दुसरा कोणता योगायोग माहीत आहे? लसिथ मलिंगासाठीचे हे वर्तुळ पूर्ण झाले आहे. त्याने खेळाडू म्हणून राजस्थान रॉयल्सविरूद्ध पहिला होम आयपीएल सामना खेळला होता. स्लिंगा आता त्याच संघाविरूद्ध एमआयचा नवीन बोलिंग कोच म्हणून घरच्या खेळपट्टीवर असणार आहे.

मागच्या काही वर्षांत पलटनने मुंबई इंडियन्स आणि राजस्थान रॉयल्स यांच्यादरम्यान खूप धमाल सामने पाहिले आहेत. २०१४ मधला आदित्य तारेने फटकावलेला षटकार आठवतो का? पाहा, आम्ही तुमच्या आठवणींना उजाळा देण्यासाठी आणखी एक सामन्याची आठवण करून देतोय.

आपण २०१० मध्ये परत जातोय. एमआयने याच सामन्यात युसुफ पठानच्या सणसणीत कामगिरीवर मात करून चार धावांनी विजय मिळवला होता.

रायाडू- तिवारी भागीदारीची सुरूवात

लवकर विकेट्स गेल्या आणि तणाव असला तरी आणि इनिंग चांगली जायची असली तरी हरकत नाही. कारण अंबाटी रायाडू (५५)चा पहिलाच सामना आणि सौरभ तिवारी (५३) हे दोघे मिळून मुंबईला २१२/६ पर्यंत नेऊ शकतात.

आरआरच्या पाठलागाला एमआयने खीळ घातली

मुंबई इंडियन्सच्या गोलंदाजांनी सुरूवातीपासूनच धडाधड विकेट्स घ्यायला सुरूवात केली. दुसऱ्या इनिंगमध्ये त्यांनी ६.३ ओव्हर्सपर्यंत तीन विकेट्स घेऊन प्रतिस्पर्धी संघाला ४०/३ वर आणून ठेवले होते. राजगोपाल सतीश आणि अली मुर्तझा हे या हल्ल्यासाठी आघाडीवर होते.

युसूफचा धमाका आणि सामना पालटण्याची शक्यता

पाचव्या क्रमांकावर फलंदाजीला उतरलेल्या युसूफ पठाणने एमआयच्या गोलंदाजांवर जोरात हल्ला चढवला. त्याने पन्नास धावा करायला २१ चेंडू घेतले आणि त्यानंतर शंभरपर्यंत पोहोचायला फक्त १६ चेंडू घेतले. त्या वेळी कोणत्याही क्रिकेटपटूने केलेल्या सर्वाधिक वेगवान टी२० धावांबाबत तो दुसऱ्या क्रमांकावर होता. तो त्या दिवशी बाजी मारून नेणार असेच वाटत होते. सामना हातातून निसटून चालला होता.

पण आरआरचा सलामी फलंदाज स्वप्नील असनोदकर (०) ला थेट हिट रन आऊट करण्यासाठी आणि ग्रेमी स्मिथ (२६) ला कॅच आणि बोल्ड करण्यासाठी प्रकाशात आलेला आर सतीश तयारीतच होता. त्यानेच हा सामना पालटला.

त्याने पारस डोग्राला चेंडू टाकला. पण युसूफ धाव काढण्यासाठी पुढे आला. त्याला हे माहीतच नव्हते की एमआयच्या गोलंदाजाने चेंडू थांबवला आहे. त्याने स्टंप्सवर चेंडू रिव्हर्स फेकला. युसूफला बाद करण्यासाठी काहीतरी वेगळे करायला हवे होते. त्याने हेच केले.

मलिंगाने एमआयचा विजय पूर्ण केला

सामन्यात सुरूवातीला एक विकेट घेतलेल्या लसिथ मलिंगावर राजस्थान रॉयल्सच्या पाठलागाला थांबवण्याची जबाबदारी होती. त्याने शेवटच्या ओव्हरमध्ये गोलंदाजी करताना डोग्राला (४१) रन आऊट केले. त्यानंतर आपल्या खास यॉर्करने अमित उनियालचे (०) स्टंप्स उडवून त्याला बाद केले.
मुंबई इंडियन्सने हा सामना जिंकला. २०१० मोहिमेची सुरूवात उत्तम झाली होती. तर पलटन, तुमच्याकडे या सामन्यातल्या काय आठवणी आहेत? चला, सांगा आम्हाला.