“इथला प्रशिक्षक वर्ग खास आहे आणि त्यांच्याकडे खूप ज्ञान आहे”: रायन रिकेल्टन
पलटन, आपल्या टीमला आत्ता तुमच्या पाठिंब्याची सर्वाधिक गरज आहे. ब्लू अँड गोल्डमधल्या बॉइजच्या पाठीशी उभे राहूया आणि ४ मे २०२६ रोजी लखनौ सुपर जायंट्सविरूद्ध पेनल्टीटाइम सामन्यासाठी वानखेडेवर भेटूया. आपला बालेकिल्ला तयार आहे आणि सर्वच चाहते आपल्या प्रार्थना व ऊर्जेसह सज्ज आहेत याची आम्हाला खात्री आहे. सामन्यापूर्वी सलामी फलंदाज आणि विकेटकीपर रायन रिकेल्टन एमआय चर्चामध्ये सहभागी झाला आणि त्याने इनिंगला तारून नेण्याची जबाबदारी, सुरूवातीच्या टप्प्यात गियर बदलून अंतिमतः एमआय सपोर्ट स्टाफचा भाग असलेल्या महान खेळाडूंसोबत सराव करण्याबाबत चर्चा केली.
एमआयच्या रंगांमध्ये सर्वाधिक वैयक्तिक धावसंख्या उभारण्याबाबत आणि लिस्टच्या पहिल्या क्रमांकावर असण्याबाबत मत व्यक्त करताना रायन म्हणाला, “खरे सांगायचे तर मला खूप छान वाटते आहे. मला सामना झाल्यानंतरच या कामगिरीची माहिती मिळाली. याच ड्रेसिंग रूममधून आलेल्या आणि ऑनर्स बोर्डवर नाव मिळवलेल्या महान खेळाडूंची क्षमता पाहतो तेव्हा खूप खास वाटते. आता या लिस्टच्या पहिल्या क्रमांकावर असताना असे काही घडेल असे वाटले नव्हते. परंतु आता मला सगळे छान वाटते आहे.
एमआयच्या डाव्या आणि उजव्या कॉम्बिनेशनबाबत बोलताना हा सलामी फलंदाज म्हणाला, “सगळ्या गोष्टी योजनेवर अवलंबून असतात. प्रतिस्पर्धी संघ आमच्याविरूद्ध स्पिनचा वापर जास्त करतो. कधीकधी तुम्हाला लहान सीमारेषा मिळते तर कधी लांबची असते. त्यामुळे तुम्ही गोलंदाजांच्या चेंडूच्या लांबीनुसार काम करायला सुरूवात करता आणि ही गोष्ट यशस्वी ठरली नाही तर मी एक विशिष्ट शॉट मारण्याचा प्रयत्न करतो. अशा कॉम्बिनेशनसह तुम्ही सामना अधिक सोप्या पद्धतीने खेळू शकता. कधीकधी उजव्या हाताने खेळाडू डावखुऱ्या खेळाडूंपेक्षा जास्त असतात, कधी हीच गोष्ट उलटी असते आणि त्याला फार महत्त्व नसते.”
स्ट्रेंथ आणि कंडिशनिंग प्रशिक्षक पॉल चॅपमन यांच्या हाताखाली सराव केल्याने रायनच्या खेळाला नेहमीच फायदा झाला आहे. तो म्हणाला की, “मी चॅपमनसोबत चांगला सराव केला आहे. तो सामन्यापूर्वी, सामन्यादरम्यान आणि सामन्यानंतर खेळाडूंना अतिशय चांगल्या प्रकारे सांभाळतो. आम्ही दोघांनीही एकमेकांसोबत खूप वेळ घालवला आहे. वर्षाचे तीन महिने मला त्याच्यासोबत काम करता येते ही माझ्यासाठी खूप चांगली गोष्ट आहे. त्याने विशेषतः पुनर्वसनाच्या टप्प्यात अनेक खेळाडूंना मदत केली आहे जेणेकरून ते दुखापतीनंतर शक्य तितक्या लवकर मैदानात परतू शकतील.”
अंतिमतः मुंबई इंडियन्सचे प्रशिक्षक आणि सपोर्ट स्टाफसोबत काम करण्याबाबत बोलताना तो म्हणाला, “त्यांच्यापैकी प्रत्येकाकडे असलेला अनुभव आणि प्रत्येक स्तरावर त्यांनी खेळलेले क्रिकेट अद्भुत आहे. आमच्याकडे विविध पिढ्यांमधले प्रशिक्ष आणि सपोर्ट स्टाफ आहेत. ते सामन्याप्रति स्वतःचा एक दृष्टीकोन घेऊन येतात. महेला माझ्यापूर्वी खेळलेले आहेत. पॉली सध्या खेळतोय आणि प्रशिक्षकही आहे. हा ग्रुप खूप खास आहे आणि त्यांच्याकडे स्वतःच्या पद्धती आहेत. हा असा खेळ आहे जिथे प्रत्येकाला दररोज नवीन काहीतरी शिकायला मिळते आणि विविध देशांमधील प्रशिक्षकांकडून मदतही मिळते."
