News

तुमच्या आयपीएल स्टार्सना फॉलो करा: बॉशचे पहिले कसोटी शतक, कुटुंबासोबतचा आनंद!

By Mumbai Indians

क्रिकेट म्हणजे क्रिकेट असते मित्रांनो! वर्षात कधीही आपल्याला एक्शनची कमतरता नसते आणि ब्लू अँड गोल्डमधली मुले मैदानात आणि मैदानाबाहेरही धमाल करत आहेत! 🙌

चला बघूया काय घडले ते आणि मागच्या काही दिवसांत आपल्या या स्टार्सनी नेमकी काय कामगिरी तेही पाहूया …

बॉशकडून आंतरराष्ट्रीय क्रिकेटमध्ये पहिले शतक आणि पाच विकेट्सची कामगिरी

खूपच मस्त कॉर्बिन!

पहिल्या #ZIMvSA कसोटी सामन्यात पहिल्या दिवशी फलंदाजी करायला उतरलेल्या या अष्टपैलू खेळाडूने आपल्या संघाला मजबूत ठिकाणी नेण्यासाठी नाबाद १०० धावा फटकावल्या.

त्याने शेवटच्या इनिंगमध्ये अप्रतिम ५/४३ अशी कामगिरी केली. दक्षिण आफ्रिकेने हा सामना ३२८ धावांनी जिंकला.

आपल्या स्टारने ओडीआय, कसोटी आणि मुंबई इंडियन्समधला पहिला सामना तसेच आपल्याच देशातील सहखेळाडू असलेल्या रायन रिकल्टनसोबत एस२० आणि डब्ल्यूटीसी २०२५ चॅम्पियन होण्याची कामगिरी बजावली. त्याचे हे सहा महिने दणदणीत होते.

**********

विल जॅक्सचे सुपर शतक

काऊंटी चॅम्पियनशिप २०२५ मध्ये सरीने प्रचंड धावा केल्या. त्याने सामना घोषित करण्यापूर्वी दणदणीत ८२०/९ धावांची नोंद केली. स्पर्धेच्या इतिहासातील ही चौथ्या क्रमांकाची सर्वाधिक धावसंख्या आहे.

आपल्या विल जॅक्सने ९४ चेंडूंमध्ये आक्रमक ११९ धावा केल्या. त्याने सरीच्या ऐतिहासिक कामगिरीत मोठा हातभार लावला. 💪

**********

काऊंटी चॅम्पियनशिपमध्ये तिलक वर्माचा दणदणीत प्रवेश

या आपल्या लाडक्या खेळाडूची काऊंटी क्रिकेटमधली कामगिरी जबरदस्त आहे. त्याने ब्रिटिशांच्या भूमीवर सर्वप्रथम खेळात एसेक्सविरूद्ध खेळताना हॅम्पशायरसाठी दणदणीत शतक नोंदवले. ही तर फक्त सुरूवात आहे … 👌

आपल्या टीव्हीने पुढील सामन्यात आणखी एक अर्धशतक आपल्या नावावर नोंदवले. त्याच्या टीमने रोझ बाऊलमध्ये वर्सेस्टरशायरविरूद्ध खेळताना सामना बरोबरीत सोडवला.

**********

एलएकेआरविरूद्ध ट्रेंट बोल्टची चमकदार कामगिरी

आपल्या थंडरबोल्टने एमएलसी २०२५ मध्ये लॉस एंजेलिस नाइट रायडर्सविरूद्ध ४/१७ ची अप्रतिम गोलंदाजी केली आणि मिनीला आरामात विजय मिळवून देण्यास मदत केली. बोल्टीने इनिंगच्या पहिल्या चेंडूवर एक विकेट घेऊन सुरूवात केली. त्यानंतर त्याने पुढच्या तीन ओव्हर्समध्ये प्रत्येकी एक विकेट घेतली. 

पॉलीने आपल्या चमकदार करियरमध्ये ७०० टी२० सामने 700 T20s पूर्ण केले आणि गोलंदाजीत २/१५ अशी कामगिरीही केली.

**********

रो- दि फॅमिली मॅन

आपल्याकडे असलेल्या वेळेचा पुरेपूर फायदा घेणारा आपला मुंबईकर सध्या पूर्ण सुट्टीच्या मोडमध्ये आहे! आयपीएल २०२५ च्या रोमांचक सामन्यांच्या कालावधीत आणि आपल्या क्लासिक हिटमॅन क्षणांमध्ये वेळ काढून रोहित शर्मा त्याच्या प्रियजनांसोबत आनंद घेत आहे.☀️

**********

स्कायसाठी लवकर बरे होण्याच्या शुभेच्छा!

आपली #OneFamily सूर्यादादाला लवकर बरे होण्यासाठी शुभेच्छा देतेय. त्याला अलीकडेच जर्मनीमध्ये स्पोर्ट्स हर्निया शस्त्रक्रिया करून घ्यावी लागली. 💙